لاہور (نامہ نگار) لاہور کے مختلف علاقوں میںڈاکوئوںاور چوروںنے وارداتوں کے دوران متعدد شہریوں سے لاکھوں روپے کی نقدی، طلائی زیورات، موبائل فون، گاڑیاں، موٹر سائیکلیں اور دیگر سامان لوٹ لیا۔ ر ائیونڈ کی حدود حویلی بھجوکی کے رہا ئشی سعید کے گھر سے 12ڈاکو اہل خانہ کو یرغمال بنا کر 10لاکھ 50ہزارکی نقدی اور زیورات لوٹ کر فرار ہو گئے۔ریس کورس میں ڈاکوئوں نے شہباز اور اس کی فیملی سے اسلحہ کے زور پر 4لاکھ 75ہزار روپے، شالیمار میں ڈاکوئوں نے کاشف سے 2لاکھ 50ہزار روپے مالیت کی نقدی چھین لی جبکہ سندر میں ڈاکوئوں نے شریف سے روپے لاکھوں مالیت کی نقدی و گاڑی، نواب ٹائون میں ڈاکوئوں نے شہباز سے 1 لاکھ 30 ہزار روپے، سٹی رائیونڈ میں ڈاکوئوں نے سعید سے 1لاکھ 50ہزار روپے، سمن آباد چھپڑ سٹاپ پر واقع نواز ڈینٹل کلینک سے دو ڈاکو 28ہزار،شیرا کوٹ فوجی گاڑیاں سٹاپ پر واقع وقاص کے دفتر سے دو ڈاکو 50 ہزار لوٹ لئے۔ماڈل ٹائون میں ڈاکوئوں نے ساجد سے 90 ہزار کی نقدی و موٹر سائیکل، جوہر ٹائون میں ڈاکوئوں نے علی سے 35ہزار، ساندہ میںڈاکوئوں نے طالب سے 40ہزار، غالب مارکیٹ میں ڈاکوئوں نے صادق سے 42ہزار، گرین ٹائون میں ڈاکوئوں نے عمران سے 55 ہزار، گلشن راوی میں ڈاکوئوں نے تنویر سے 54ہزار نقدی و قیمتی گھڑی،سمن آباد میں ڈاکوئوں نے عمیر سے 28 ہزار روپے، باغبانپورہ میں ڈاکوئوں نے غلام حسین سے 20ہزار و موٹر سائیکل، گلشن راوی میں ڈاکوئوں نے ذوالفقار سے 18ہزار روپے، ساندہ میں ڈاکوئوں نے عامر سے 18ہزار روپے نقدی و موبائل فون لوٹ لیا۔ اقبال ٹائون سے ناصر کی گاڑی جبکہ شمالی چھائونی میںعبید گجر پورہ میں ارسلان، شاہدرہ میں شرجیل، جوہر ٹائون میںواجد، جنوبی چھائونی میں اشرف، اقبال ٹائون میں احسن، گلبرگ میں اکبر، ٹائون شپ میں شہزاد، ساندہ میں غلام، غازی آباد میںفیضان، شالیمار میں شاہد، سبزہ زار میں نوید، ستو کتلہ میں صدیق، شاد ماں میںآصف، جوہر ٹائون میں غفور، اچھرہ میں امیر نواز، فیصل ٹائون میں نصیر اورنشتر کالونی میں عبید کی موٹر سائیکلیں چوری کر لی گئیں۔ رائے ونڈ سے نامہ نگار کے مطابق تھانہ سٹی کے علاقہ بھچوکی میں ڈیڑھ درجن ڈاکو ایک ہی رات میں گن پوائنٹ پر چارگھروں اور ایک راہ گیر سے 20لاکھ 96ہزار لوٹ کر فرار ہوگئے مقامی پولیس خواب خرگوش کے مزے لیتی رہی متاثرین کا وزیراعلیٰ پنجاب اور پولیس افسران سے فوری نوٹس لینے کا مطالبہ، نامعلوم ڈاکوئوں کے خلاف مقدمہ درج۔ گزشتہ رات رائے ونڈکے نواحی گائوں بھچوکی میں درجن بھر مسلح ڈاکو پہلی واردات کے دوران شاہد کے گھر کی دیوار پھلانگ کر داخل ہوئے اہل خانہ کو گن پوائنٹ پر یر غمال بنا کر 6لاکھ روپے نقدی اور 6تولہ زیور طلائی ،12بور گن اور ایک موبائل فون لوٹ لیا۔ ناہید اختر کے گھر کی دیوریں پھلانگیں اور اسی طرح اہل خانہ کو یر غمال بنانے کے بعد 35ہزار روپے نقدی اور اڑھائی تولہ زیور طلائی ا ور موبائل فون چھین لیا۔ شہزاد احمد کے گھر میں کی اس کے گھر سے 66ہزار روپے نقدی اور 4/5تولہ زیور طلائی موبائل فون چھینے کے بعد چوتھی واردات غریب محمد علی کے گھر کی جس نے اپنی بیٹی کی شادی کی کیلئے جہیز کا سامان ا کٹھا کیا ہوا تھا اس کے اہل خانہ کو گن پوئنٹ پر یر غمال بنا کر ایک لاکھ روپے نقدی اور 8تولہ زیور طلائی قیمتی پارچات اور ضروریات زندگی کی تمام اشیاء لوٹ کر فرار ہوگئے اور جاتے ہوئے تمام گھروں کے افراد کو رسیوں سے بھاند کر کمروںمیں بند کردیا ڈاکوئوں کا پانچواں شکار اسلم تھا جب وہ رات اپنے گھر جارہا تھا اسے راستے میں روک کر اسلحہ کی نوک پر اس سے 35ہزار روپے نقدی اور گھڑی چھین لی متاثرین کا کہنا ہے پولیس ساری رات گشت کرتی ہے اس کے باوجود بھی درجن بھر ڈاکو اسلحہ اٹھائے گائوں میں لوگوں لوٹ رہے ہیں۔ دریں اثناء اطلاع ملی ہے کھوجی کتوں کی نشان دہی پر قریبی بھٹہ خشت سے 9افراد گرفتار کرکے ان کے قبضہ سے 4بندوقیں اور 4 نقلی سٹین گنیں برآمد کرلی ہیں اور تفتیش جاری ہے۔