ڈیرہ غازی خان (این این آئی) ڈیرہ غازی خان میں انڈس ہائی وے پر کوچ اور ٹرالر کے درمیان تصادم سے کم از کم چھ افراد جاں بحق اور 25 زخمی ہو گئے۔ تونسہ  سے آنے والے کوچ ڈیرہ غازی خان میں صدر بین کے مقام پر گاجر والی پل پر ٹرالر سے ٹکرا گئی جس کے نتیجے میں کم از کم چھ افراد ہلاک ہو گئے۔ریسکیو ذرائع کے مطابق حادثہ تیز رفتاری کے باعث پیش آیا جس میں25 افراد زخمی بھی ہوئے جن میں سے 10 کی حالت نازک ہے۔ زخمیوں کو ڈی جی خان ہسپتال منتقل کردیا گیا ۔