کراچی( نوائے وقت رپورٹ) سندھ ہائیکورٹ  میں 4نئے ایڈیشنل ججز نے اپنے عہدوں کا حلف اٹھالیا جس کے بعد سندھ ہائیکورٹ میںججوں کی تعداد33 ہوگئی۔ چیف جسٹس مقبول باقر نے ان سے حلف لیا۔ نئے ججوں میں شہاب سرکی، سعید الدین ناصر، عامر رضا نقوی اور اقبال کلوڑ شامل ہیں۔ نئے ججوں کے حلف اٹھانے کے بعد سندھ ہائیکورٹ میں ججوں کی تعداد 33ہوگئی ہے جبکہ ہائیکورٹ کے ججوںکی منظور شدہ تعداد 40 ہے تاہم 7آسامیاں تاحال خالی ہیں۔