ہنگو میں نامعلوم افراد کی فائرنگ سے لیڈی ہیلتھ ورکر زخمی ہسپتال منتقل
ہنگو(این این آئی) ہنگو میں نامعلوم افراد کی فائرنگ سے لیڈی ہیلتھ ورکر زخمی ہوگئی، ڈی ایچ کیو ہسپتال منتقل کردیا گیا۔پولیس ذرائع کے مطابق گنجان کلے میں لیڈی ہیلتھ ورکر نازیہ بی بی اپنے گھر سے آئی ڈی پیز کیمپ جارہی تھی کہ نامعلوم افراد نے فائرنگ کردی، لیڈی ہیلتھ ورکر کو زخمی حالت میں ڈی ایچ کیو ہسپتال ہنگو منتقل کردیا گیا، ہسپتال ذرائع کے مطابق لیڈی ہیلتھ ورکر کی حالت خطرے سے باہر ہے ۔واقعے کے بعد پولیس نے علاقے کو گھیرے میں لے لیا تاہم آخری اطلاعات تک کوئی گرفتاری عمل میں نہیں آئی۔
