برسلز (این این آئی) بیلجیئم  کے دفتر استغاثہ نے کہا ہے کہ برسلز کے ایک یہودی میوزیم میں فائرنگ کرنے کے شبہے میں گرفتار ایک فرانسیسی مسلمان نے ویڈیو پیغام میں اس حملے کی ذمہ داری قبول کی ہے۔ 29سالہ مہدی نیموش نے چالیس سیکنڈ کا ایک ویڈیو پیغام ریکارڈ کیا۔ پراسیکیوٹر فریڈرک فان لیو نے بتایا ویڈیو میں ملزم نے میوزیم پر حملہ کرنے کا دعویٰ کیا، تاہم ان کا کہنا تھا کہ وہ فوری طور پر اس امر کی تصدیق نہیں کرسکتے کہ اس ویڈیو میں آواز نیموش کی ہی ہے۔