لاہور ( پ ر) لاہور یونیورسٹی آف مینجمنٹ سائنسز (لمز) میں کوکا کولا کے تعاون سے بننے والے ایکواٹک سینٹر کی تعمیر کا افتتاح ہو گیا، افتتاحی تقریب کے مہمان خصوصی کوکا کولا انٹرنیشنل کے صدر احمت بوڈر تھے، کوکا کولا کے صدر اور کوکا کولا ٹیم کے دیگر ممبران کو لمز کے وائس چانسلر ڈاکٹر سہیل نقوی، لمز کے ریکٹر رزاق دائود نے استقبال کیا۔ اس موقع پر مفاہمت کی ایک یادداشت پر دستخط کیے گئے، ایک بین الاقوامی معیار کی انڈور سوئمنگ پول کی تعمیر کا افتتاح کیا گیا ۔