سیالکوٹ (نامہ نگار) بم ڈسپوزل عملہ نے 28 کلو گرام وزنی بھارتی ساختہ دو بارودی سرنگیں ناکارہ بنا کر بڑے نقصان سے بچا لیا۔ بتایا گیا ہے کہ تحصیل پسرور کے تھانہ پھلورہ کے علاقہ میں نامعلوم افراد نے بھارتی ساختہ چودہ چودہ کلو گرام وزنی دو بارودی سرنگیں دہشت گردی کیلئے رکھی تھیں جن کے بارے علاقہ کے لوگوں نے پولیس کو اطلاع کر دی۔ پولیس نے بم ڈسپوزل سکواڈکا طلب کرلیا جس کے عملہ نے موقعہ پر پہنچ کر دونوں بارودی سرنگوں کو ناکارہ بنا کر قبضہ میں لے لیا۔ بم ڈسپوزل کے مطابق یہ بارودی سرنگیں پھٹ جاتیں تو بڑے پیمانے پر نقصان کا اندیشہ تھا۔