پیرس ( صاحبزادہ عتیق سے )  فرانس کے دارلا حکومت پیرس کے نواحی شہر گارج لے گونس میں یورپین والی بال ٹورنامنٹ کے فائنل میچ میں سفیر پاکستان غالب اقبال اور گارج لے گونس کے مئیر موسیو موریس لے فیوغ  مہمان خصوصی تھے۔ ٹورنامنٹ میں فرانس سمیت بارہ ٹیموں نے حصہ لیا۔ سفیر پاکستان غالب اقبال نے کہا کہ کھیلوں اور صحتمندانہ سرگرمیوں کے ذریعے ہم پاکستان کا بہتر امیج اجاگر کرسکتے ہیں۔ انہوں نے جیتنے والی ٹیم کیلئے ایک ہزار یورو انعام کا بھی اعلان کیا۔  مئیر موسیو موریس نے کہا کہ ٹورنامنٹ کمیٹی کا اتنے بڑے پروگرام کو منظم کرنا پاکستانیوں کی انتظامی صلاحیتوں کامنہ بولتا ثبوت  ہے۔ٹورنامنٹ کا فائنل مقابلہ حیدری والی بال کلب نے پاک کلب سارسل کو ہرا کر ٹورنامنٹ جیت لیا۔