کراچی (سٹاف رپورٹر ) ائیر لیگ آف پی آئی اے ایمپلائز یونین نے یونائیٹڈ ورکرز اور اسکائی ویز اتحاد کے ساتھ پی آئی اے میں ہونے والے ریفرنڈ م میں کامیابی حاصل کرلی ۔ ائیر لیگ آف پی آئی اے ایمپلائز نے پورے پاکستان سے 4297ووٹ حاصل کئے ، جبکہ پیپلز یونٹی اور پیاسی اتحاد نے 3240حاصل کئے۔ایئر لیگ کے مرکزی صدر شمیم اکمل ، مرکزی سیکرٹری جنرل ناصر مہدی جنجوعہ ، یونائٹیڈ ورکرز کے مرکزی رہنماء شاہد قریشی ، ندیم رضا ، اسکائی ویز چیف آرگنائزر اشرف بلو اور علی لاشاری نے کہاکہ آج پی آئی اے کا محنت کش فتح یا ب ہوا   ۔ اﷲ تعالیٰ کا شکر ادا کرتے ہیں ۔جامع مسجد پی آئی اے ہیڈ آفس میں نماز شکرانہ ادا کی اور مٹھائی تقسیم کی گئی۔ ائیر لیگ ، یونائیٹڈ او راسکائی ویز کے ورکروں نے ڈھول کی تھاپ پر بھنگڑے ڈال کر نعرے بازی او ر فتح کا جشن منایا ۔