موہالی (سپورٹس ڈیسک) ایشین جونیئر سنوکر چیمپئن شپ میں پاکستان نے بھارت کو شکست دیدی۔ پاکستان کے محمد ماجد نے بھارت کے نکہل سہگل کو آؤٹ کلاس کر دیا۔ ماجد نے بھارتی کھلاڑی کی ایک نہ چلنے دی اور پورے میچ میں چھائے رہے۔ پاکستانی سٹار نے صفر کے مقابلے میں چار فرمی سے کامیابی اپنے نام کی۔ پاکستان کے حارث ندیم نے اپنے پہلے میچ میں ہانگ کانگ کے منگ ونگ کو سخت مقابلے کے بعد 3 کے مقابلے میں 4 فریم سے ہرا دیا۔ دونوں کھلاڑیوں کے درمیان سخت مقابلہ ہوا تاہم پاکستانی سٹار نے کامیابی اپنے نام کی۔ پاکستان کی طرف سے محمد ماجد علی، حارث ندیم، حمزہ اکبر اور عامر طارق ایونٹ میں حصہ لے رہے ہیں۔ قومی چیمپئن محمد ماجد گذشتہ برس چیمپئن شپ میں رنراپ رہے تھے۔