خیبر ایجنسی : زمین کے تنازع پر دو گروپوں میں تصادم 3افراد جاں بحق
خیبر ایجنسی (آئی این پی) خیبر ایجنسی کے علاقے ملاگوری میں زمین کے تنازع پر دو گروپوں میں تصادم کے نتیجے میںزخمی ہونیوالے 3 افراد ہسپتال میں دم توڑ گئے۔ ہفتہ کو نجی ٹی وی کے مطابق خیبر ایجنسی کے علاقے ملاگوری میں زمین کے تنازع پردو گروپوں کے درمیان فائرنگ کے نتیجے میں 3افراد شدید زخمی ہوگئے ۔ زخمیوں کو تشویشناک حالت میں قریبی ہسپتال منتقل کر دیا گیا جہاں وہ زخموں کی تاب نہ لا کر دم توڑ گئے۔
