مظفر گڑھ کے یوٹیلیٹی سٹورز کا آئل سے بھرا ٹرک ملتان میں پکڑا گیا، 5 افراد گرفتار
مظفر گڑھ / ملتان (آئی این پی+ نوائے وقت رپورٹ) ایف آئی اے نے ملتان میں یوٹیلٹی سٹورز کا آئل سے بھرا ٹرک پکڑ لیا۔ آئل مظفر گڑھ سے ملتان مقامی مارکیٹ میں فروخت کیلئے لایا گیا تھا۔ پولیس نے یوٹیلٹی سٹور کارپوریشن مظفر گڑھ کے ویئر ہائوس سے لاکھوں روپے کا کوکنگ آئل چوری کرنیوالے 5 افراد کو گرفتار کر کے ایف آئی اے ملتان کے حوالے کردیا ہے۔ خانپور بگا شیر میں قائم ویئر ہائوس سے رات کو ویئر ہائوس انچارج اور عملہ لاکھوں روپے مالیت کا کوکنگ آئل چوری کرکے ملتان غلہ منڈی میں فروخت کرنے کیلئے لے جا رہے تھے کہ مظفر گرھ تھانہ صدر پولیس نے سرکاری اہلکاروں سمیت پانچ افراد کو گرفتار کر لیا۔ تحقیقات کا دائرہ وسیع جبکہ ویئر ہائوس کو سیل کرکے آڈٹ شروع کروا دیا گیا۔
