لاہور(سپورٹس رپورٹر) ہائر ایجوکیشن اور یونیورسٹی آف لاہور کے زیر اہتمام آل پاکستان انٹر ورسٹی چیمپئن شپ کی افتتاحی تقریب پنجاب سٹیڈیم میں ہوئی جس میں 16 یونیورسٹیز کے طلبہ و طالبات کھلاڑیوں نے مارچ پاسٹ میں حصہ لیا۔ مہمان خصوصی یونیورسٹی آف لاہور کے وائس چانسلر ڈاکٹر سلیم شجاع تھے۔ دوسرے روز سوئمنگ اور آرچری چیمپئن شپ کے فائنل مقابلے ہوئے جس میں سوئمنگ کا ٹائٹل یونیورسٹی آف سنٹرل پنجاب نے جیت لیا جبکہ پنجاب یونیورسٹی نے دوسری اور کامسٹ یونیورسٹی نے تیسری پوزیشن حاصل کی۔ آرچری کے مقابلوں میں پنجاب یونیورسٹی نے پہلی، یونیورسٹی آف سنٹرل پنجاب نے دوسری جبکہ اسلامیہ یونیورسٹی بہاولپور نے تیسری پوزیشن حاصل کی۔ آج اختتامی روز جوجسٹو اور رسہ کشی کے مقابلے ہونگے۔