لاہور(سپورٹس رپورٹر) جناح سپورٹس کمپلیکس اسلام آباد میں ہوسٹلز کی عدم دستیابی کی بناء پر پاکستان ہاکی فیڈریشن نے ایک مرتبہ پھر جونیئر ہاکی ٹیم کے ممکنہ کھلاڑیوں کا تربیتی کیمپ اسلام آباد سے کراچی میں لگانے کا اعلان کر دیا ہے۔ پاکستان ہاکی فیڈریشن کی جانب سے جونیئر کیمپ کے لیے اعلان کردہ کھلاڑیوں کو ہدیات کی گئی ہے کہ وہ 14 جون کو ہاکی کلب آف پاکستان کراچی میں ہیڈ کوچ منظور الحسن کو رپورٹ کریں۔