سکھر: پٹرول پمپ میں آگ لگنے سے متعدد گاڑیاں اور دکانیں جل گئیں
سکھر (ثناء نیوز) سکھر میں شکار پور روڈ پر بس ٹرمینل کے قریب پٹرول پمپ کے ایک حصے میں آگ لگ گئی، جس نے متعدد گاڑیوں اور دکانوں کو اپنی لپیٹ میں لے لیا۔ ریسکیو ذرائع کے مطابق جمعرات کے روز شکارپور روڈ پر نیو بس ٹرمینل کے قریب پٹرول پمپ کے جنریٹر میں آگ لگ گئی،جس نے پٹرول پمپ کے ایک حصے کو اپنی لپیٹ میں لے لیا اور پھر سات گاڑیوں اور تین دکانوں میں بھی آگ بھڑک اٹھی، واقعے کے بعد فائربریگیڈ کی گاڑیوں نے موقع پر پہنچ کر آگ پر قابو پالیا۔
سکھر/پٹرول پمپ
