لاہور (این این آئی) اداکارہ صائمہ خان نے کہا ہے کہ سٹیج پر ہمیشہ معیاری کام کرنے کی کوشش کی ہے اور ہر ڈرامے میں منفرد کردار کرنا میرا اعزاز اور فخر ہے، ظاہر ہے ڈائریکٹر مجھ سے جیسا کام کرائے گا میں بھی ویسا ہی کروں گی۔ میرا کسی سے کوئی مقابلہ نہیں میں سب سے پیار کرتی ہوں‘کوئی چھوٹا بڑا نہیں ہوتا سب کا اپنا اپنا مقام ہے۔ میرا کامل یقین ہے کہ انسان کو وہ سب کچھ ضرور مل کر رہتا ہے جس کی وہ خواہش کرتا ہے لیکن اسے نیک نیتی سے خواہش کرنی چاہئے۔ آج کل جو کچھ تھیڑوں پر ہو رہا ہے وہ عوام کی ڈیمانڈ کے عین مطابق ہے۔