اسلام آباد (اے پی پی) 26ویں نیشنل جونیئر والی بال چیمپئن شپ 2014  پی او ایف سپورٹس جمنازیم میں شروع ہوگئی ہے ، افتتاحی روز پاکستان واپڈا، پاکستان نیوی اور خیبرپی کے کی ٹیموں نے کامیابی حاصل کی۔ چیمپئن شپ کا افتتاح پاکستان والی بال فیڈریشن کے صدر  ظفر عباس لک کیا۔چیمپئن شپ لیگ سسٹم کی بنیاد پر کھیلی جا رہی ہے جس میں چاروں صوبوں کے علاوہ اسلام آباد، فاٹا، گلگت  بلتستان ، پاکستان واپڈا، پاکستان آرمی ،پاکستان نیوی، پی او ایف واہ اور پاکستان ایجوکیشن بورڈ کی ٹیمیں شرکت کر رہی ہیں۔ اور یہ چیمپئن شپ 26جون تک جاری رہے گی۔