مکہ مکرمہ (این این آئی) سعودی عرب میں جمعہ کی شام چاند نظر آنے کا امکان نہیں، پہلا روزہ اتوار کو ہوگا۔ سعودی گزٹ کے مطابق عرب یونین برائے فلکیات کے رکن خالد الزاق نے بتایا ہے کہ جمعہ کو غروب آفتاب سے پہلے چاند آسمان سے مکمل طور پر غائب ہوجائے گا چنانچہ مصر اور سوڈان وغیرہ میں بھی چاند نظر نہیں آئے گا۔ روس اور جرمنی میں روزہ 20گھنٹے، ترکی میں 17گھنٹے،  پاکستان،  بھارت، چین اور عرب ممالک میں15سے 16گھنٹے کا ہوگا۔ سعودی عرب میں نجی شعبے کے ملازمین رمضان المبارک کے دوران صرف6گھنٹے کام کریں گے۔