بہاولپور (نامہ نگار) وہاڑی کا رہائشی 18سالہ دنیا کا طویل القامت ہونے کا دعویٰ کرنے والا ضیاء رشید بہاول وکٹوریہ ہسپتال میں داخل کر لیا گیا نیورو سرجن ڈاکٹر یٰسین برین ٹیومر کا آپریشن کرینگے ‘  ضیاء رشید جس کا قد 7فٹ 10انچ ہے برین ٹیومر کے عارضے میں مبتلا ہے اور آجکل بہاول وکٹوریہ ہسپتال میں زیر علاج ہے۔ نیورو سرجن ڈاکٹر یٰسین ضیاء رشید کے برین ٹیومر کا آپریشن کرینگے ۔  ضیاء رشید کا دعویٰ ہے کہ 18سال کی عمر میرے برابر دراز قد نوجوان پوری دنیا میں موجود نہیں ہے ۔ضیاء ارشد دسویں جماعت کا طالب علم ہے اور اس نے کہا کہ اس کا قد ہرماہ ایک انچ بڑھ رہا ہے۔اس نے حکومت پنجاب سے مطالبہ کیا ہے کہ مجھے سرکاری نوکری دی جائے تاکہ وہ اپنے اہل خانہ کی کفالت کرسکے۔
طویل القامت