لاہور(سپورٹس رپورٹر)پاکستان بھارت سیریز کا خیر مقدم کرتے ہوئے بھارتی کرکٹ بورڈ کے سیکرٹری سنجے پٹیل کا کہنا تھا کہ کرکٹ  میں پاکستان بھارت مقابلے جیسا جوش وخروش کہیں اور نہیں ہو سکتا۔ دونوں ممالک کی عوام چاہتی ہے کہ کرکٹ مقابلوں کا انعقاد ہو اور انہیں بے صبری سے اس کا انتظار ہے۔ دوسری جانب پاکستان کرکٹ بورڈ کے چیئرمین نجم سیٹھی نے پاکستان بھارت کرکٹ سیریز کی بحالی کے معاملے کو خوش آئند قرار دیا ہے۔ نجم سیٹھی نے امید ظاہر کی کہ دونوں ممالک کے درمیان میچز کا تسلسل برقرار رہے گا۔ چیرمین پی سی بی نے کہا کہ انہیں بھارتی کرکٹ بورڈ کے ساتھ  باہمی سیریز کے معاہدے ایم اویو پر دستخط کرتے ہوئے دلی مسرت ہوئی اور جلد ہی اس سیریز کے انتظامات کے بعد شیڈول کا اعلان کر دیا جائے گا۔ نجم سیٹھی جنکی کوششوں سے پاکستان بھارت کرکٹ کی بحالی ممکن ہوئی ہے کہا کہ پاکستانی کرکٹ کے دلدادہ ہیں وہ دونوں ملکوں کے سٹارکرکٹرز کوجلد آمنے سامنے دیکھنے کے متمنی ہیں۔