سیالکوٹ (نامہ نگار) سیالکوٹ کے علاقہ گجر ٹاؤن میں شدید بارش کے باعث کچا مکان گرنے سے ماں اور پانچ بچے ہلاک ہو گئے۔ بتایا گیا ہے گل خان اپنے بیٹے ولی خان، بہو بس بی بی، چار پوتوں اور دو پوتیوں سمیت ایک کچے مکان میں رہائش پذیر ہے۔ گذشتہ روز مغرب سے کچھ دیر قبل شروع ہونے والی بارش مسلسلتین گھنٹے تک جاری رہی جس سے گل زمان، بس بی بی، اسکے چار لڑکے اور دو لڑکیاں کچے مکان کی چھت گرنے سے دب گئے۔ اطلاع ملنے پر ریسکیو 1122، پولیس اور اہل محلہ نے ملبے تلے دبے ہوئے گل زمان اور نور محمد کو زندہ بچا لیا جبکہ بس بی بی، پانچ سالہ خدیجہ، دو سالہ گل بی بی، چار سالہ پیر محمد، دس سالہ نور محمد، بارہ سالہ دین محمد کو بچایا نہ جا سکا اور انکی نعشیں ملیں۔ مزید برآں وزیراعلیٰ پنجاب محمد شہباز شریف نے سوگوار خاندان سے دلی ہمدردی کا اظہار کرتے ہوئے جاں بحق افراد کے لواحقین کیلئے 10لاکھ روپے کی مالی امداد کا اعلان کیا ہے۔
سیالکوٹ/چھت