لاہور (سپورٹس رپورٹر) قومی کھیل ہاکی کی زبوں حالی کی طرح پاکستان ہاکی فیڈریشن کی ویب سائٹ بھی عدم توجہ کا شکار ہو کر بند ہو گئی ہے۔ شائقین ہاکی کو اگر کسی قسم کی معلومات کے لیے پاکستان ہاکی فیڈریشن کی ویب سائٹ کھولنے کی ضرورت پیش آ جائے تو وہاں پاکستان ہلپ فاونڈیشن  نمود دار جاتا ہے۔ پاکستان ہاکی فیڈریشن کے مالی بحران کے باعث فیڈریشن کی ویب سائٹ بھی ختم ہو کر رہ گئی ہے۔ ہاکی شائقین نے نوائے وقت دفتر فون کر کے شکایت کی کہ پاکستان ہاکی جس کا ماضی بڑا ہی تابناک رہا ہے اس کی نامکمل ویب سائٹ بھی اب ختم ہو کر رہ گئی ہے۔پاکستان ہاکی فیڈریشن کے قریبی ذرائع نے تصدیق کی کہ مالی بحران کے باعث ویب سائٹ کو اپ ڈیٹ نہیں کیا جا سکا ہے جلد نئی اپ ڈیٹ ویب سائٹ بنائی جائے گی‘ ابتدائی کام جاری ہے۔