مکرمی! ملتان روڈ پر نواز شریف سوشل سیکورٹی ہسپتال کے سامنے گیٹ سے کچھ پہلے ایک سپیڈ بریکر کی شدید ضرورت ہے۔ ورنہ یہاں کسی بھی وقت کوئی حادثہ ہو سکتا ہے کیونکہ لوگوں کو بے ہنگم اور تیز ٹریفک کے باعث ہسپتال کے اندر جانے اور باہر آنے میں شدید دشواری کا سامنا ہے۔ خصوصاً وحدت روڈ سے آنے والی ٹریفک کو ہسپتال میں داخل ہونے کے لئے تیز ٹریفک کے سیلاب کے اندر سے گزرنا پڑتا ہے۔ ایمبولینس گاڑیاں بھی اس ٹریفک میں پھنس کر لیٹ ہو جاتی ہیں۔ اس سڑک پر ہیوی ٹریفک اور ٹرالیاں وغیرہ بھی چلتی ہیں جن کے باعث ہسپتال میں جانے اور آنے والوں کو جان کا شدید خطرہ ہے۔ متعلقہ محکمے سے درخواست ہے کہ براہ کرم فوری طور پر ہسپتال سے کچھ پہلے سپیڈ بریکر بنایا جائے۔(زید بن عمر۔ 232 کامران بلاک علامہ اقبال ٹاؤن لاہور)