قصور+ لاہور+ فیصل آباد (نمائندہ نوائے وقت+ نامہ نگاران+ نمائندہ خصوصی+ خصوصی رپورٹر) قصور، سمندری، چیچہ وطنی، حجرہ میں لڑکے، 3 لڑکیوں، چنیوٹ میں 8 سالہ بچی جبکہ مظفر گڑھ میں فرسٹ ائر کی طالبہ کو زیادتی کا نشانہ بنا دیا گیا۔ قصور میں بھسرپورہ میں یوسف کی بیٹی صدف ماریہ گھر میں اکیلی تھی فاروق گھر میں گھس گیا اور صدف کو زیادتی کا نشانہ بنا کر فرار ہو گیا۔ سمندری میں جمیل سکنہ بلال ٹاون تاندلہ روڑ سے اپنے گھر آ رہا تھا یاسین، شہزاد نے اپنے دیگر دو ساتھیوں کے ہمراہ اسے زبردستی اغواء کر کے زیادتی کی۔ چنیوٹ میں اوباش شخص نے آٹھ سالہ بچی کو زیادتی نشانہ بنا ڈالا، پولیس نے ملزم کو گرفتار کر کے مقدمہ درج کر لیا۔ SHO تھانہ لنگرانہ نے اطلاع دی صدرہ کے ساتھ ساجد لنگا نے زیادتی کرنے کی کوشش کی جس پر صدرہ کو میڈیکل کے لئے سول ہسپتال بھوآنہ بھجوایا گیا ہے جبکہ ملزم ساجد کو سردست گرفتار کر لیا گیا ہے۔ چیچہ وطنی میں نواحی گائوں 111/7-Rکی سلمیٰ بی بی زوجہ محمد اقبال نے رپورٹ درج کرائی میں اور میرا خاوند مویشیوں کے لئے چارہ لینے کیلئے گئے ہوئے تھے جبکہ میری 16 سالہ بیٹی آمنہ بی بی گھر میں اکیلی تھی قیصر  نے میری بیٹی کو کمرے میں لیجا کر جنسی تشدد کا نشانہ بنا ڈالا۔ حجرہ شاہ مقیم میں 15سالہ یتیم روزہ دار لڑکی کے ساتھ اوباش زمیندار کی گن پوائنٹ پر زیا دتی۔ ملزم فرار۔ سومیاں بھولو کی 15سالہ ف بی بی گھر میں موجود تھی ثناء اللہ وٹو نے مال مویشی کے احاطہ میں جاتی منیر احمد کی بیٹی کو پسٹل دکھاتے ہوئے دبوچ لیا اور عزت تار تارکر دی۔ مظفر گڑھ سے آئی این پی کے مطابق فرسٹ ائر کی طالبہ سکول رکشہ ڈرائیور نے اغواء کر لی، زیادتی کے بعد فروخت کر دیا، لڑکی برآمد۔ ٹھٹھہ قریش کے اعجاز کھیڑا کی بیٹی فضہ اعجاز منڈا چوک پر فرسٹ ایئر کی طالبہ تھی آصف نامی رکشہ ڈرائیور متعین تھا جس نے منظور، فیاض، کنیز مائی کے ہمراہ اسے 5 دن قبل گھر سے سکول لاتے ہوئے راستے میں اسلحہ کے زور پر اغواء کر لیا اور نا معلوم مقام پر رکھ کر زیادتی کا نشانہ بناتا رہا۔ بعدازاں اسے بنوں کے رہائشی ایک پٹھان کو چار لاکھ روپے میں فروخت کر دیا جو اسے لے گیا اور اس سے زیادتی کرتا رہا۔ علاوہ ازیں وزیراعلیٰ پنجاب شہباز شریف نے مظفر گڑھ میں خاتون سے مبینہ اجتماعی زیادتی کی خبر کا نوٹس لیتے ہوئے ڈی پی او مظفر گڑھ سے رپورٹ طلب کر لی ہے اور ہدایت کی ہے واقعہ میں ملوث ملزمان کو فی الفور گرفتار کیا جائے اور متاثرہ خاتون کو انصاف کی فراہمی یقینی بنائی جائے۔