لندن (نوائے وقت رپورٹ) ملالہ یوسفزئی نے پاکستانیوں سے اپیل کی ہے کہ شمالی وزیرستان میں فوجی آپریشن کے باعث نقل مکانی کرنے والوں کی مدد کی جائے۔ آپریشن کے باعث لاکھوں افراد نقل مکانی کر چکے ہیں انہیں خوراک اور کپڑوں سمیت بنیادی ضروری اشیاء کی ضرورت ہے۔ سوات آپریشن کے دوران دوستوں اور رشتے داروں نے ساتھ دیا تھا۔ ان کی مہمان نوازی کے بغیر زندگی بسر کرنا مشکل تھا۔ شمالی وزیرستان کے بہن بھائیوں کی مہمان نوازی کریں۔ عالمی برادری بھی متاثرین کی مدد کیلئے مقامی امدادی کوششوں میں تعاون فراہم کرے۔
ملالہ یوسفزئی