چمن (آئی این پی) چمن میں پاک افغان سرحد پر افغان فورسز نے ایف سی چیک پوسٹوں پر فائرنگ کی، ایف سی کی جوائی کارروائی سے افغانستان سے ہونے والی فائرنگ بند ہوگئی۔ جمعرات کو سکیورٹی حکام کے مطابق چمن میں پاک افغان سرحد پر افغان فورسز نے پاک ایف سی کے صدر الدین اور تصدق چیک پوسٹوں پر بلا اشتعال فائرنگ کر دی، کوئی جانی نقصان نہیں ہوا۔ ایف سی کی جوابی کارروائی سے افغان فورسز کی بندوقیں خاموش ہو گئیں۔ افغان فورسز کی فائرنگ سے کسی قسم کی کوئی جانی نقصان کی اطلاع نہیں ملی۔ دریں اثناء پاکستان نے افغان فورسز کی جانب سے کی گئی فائرنگ کا سخت نوٹس لیتے ہوئے احتجاج کیا ہے۔