لاہور( کامرس رپورٹر) وزیر اعلیٰ کی قائم کردہ انکوائری کمیٹی نے گذشتہ روز سابق اے جی پنجاب زاہد رشید پر عائد کروڑوں روپے کے فراڈ کی انکوائری کا آغاز کر دیا ۔ اے جی پنجاب زاہد رشید پر الزام ہے کہ انہوں نے قوی انجینئرنگ پرائیویٹ  لمیٹڈ کے نام سے جعلی فرم بنا کر 9 کروڑ 25 لاکھ روپے کے بل کی منظوری دے دی تھی جسے ان کی جگہ تعینات ہونے والے اے جی پنجاب سید غضنفر مہدی نے منسوخ کر دیا ۔ واضح رہے کہ کنٹرولر جنرل اکائونٹس نے بھی اس فراڈ کی انکوائری کے لئے کمیٹی قائم کی جو 7جولائی سے انکوائری شروع کرے گی ۔