پشین سے 2 افراد کی نعشیں برآمد، کوئٹہ میں نیٹو کنٹینر، مستونگ میں ٹرک پر فائرنگ، ڈرائیور زخمی
پشین (نوائے وقت رپورٹ) بلوچستان کے ضلع پشین کے علاقے گوال سے گزشتہ روز دو افراد کی تشدد زدہ نعشیں برآمد ہوئیں۔ لیویز ذرائع کے مطابق نعشوں کی شناخت کی جارہی ہے اور انہیں ہسپتال منتقل کردیا گیا۔ دریں اثناء ضلع مستونگ میں قومی شاہراہ پر کراچی سے کوئٹہ آنے والے مزدا ٹرک پر نامعلوم افراد نے فائرنگ کردی جس کے نتیجے میں اس کا ڈرائیور محمد غوث شدید زخمی ہوگیا جسے فوری طور پر سول ہسپتال کوئٹہ پہنچایا گیا جبکہ کوئٹہ کے نواحی علاقے ہزارگنجی میں نامعلوم افراد نے افغان ٹرانزٹ کنٹینر پر فائرنگ کردی تاہم کوئی جانی نقصان نہیں ہوا۔
