گجرات: ساڑھے پانچ فٹ لمبا زہریلا سانپ گھر میں گھس گیا‘ ریسکیو اہلکاروں نے زندہ پکڑ لیا
گجر ات (نامہ نگار) سرگودھا روڈ کی ممتاز سیاسی و سماجی شخصیت مزمل بٹ کے گھر محلہ دسوندھی پورہ میں ساڑھے پانچ فٹ زہریلا کوبرا سانپ گھس گیا۔ سانپ کے گھر میں داخل ہونے کی اطلاع ریسکیو عملے کو دی گئی جس پر ریسکیو اہلکاروں نے ساڑھے چار گھنٹے کی جدوجہد کے بعد سانپ کو زندہ پکڑ کر قابو کیا۔ ریسکیو اہلکاروں کے مطابق سانپ انتہائی زہریلا تھا جوکہ موجودہ گرم مرطوب موسم کے باعث ریلوے لائن سے متصل چھپڑ جنگل سے گھر میں داخل ہوا۔
