جونیئر ہاکی ٹیم کا تربیتی کیمپ آج دوبارہ شروع ہو گا
لاہور(سپورٹس رپورٹر)یوتھ اولمپکس کیلئے جونیئر ہاکی ٹیم کا تربیتی کیمپ ایک روز کے آرام کے بعد آج دوبار ہ شروع ہوگا ۔جوہر ٹاؤن ہاکی سٹیڈیم میںکھلاڑی کیمپ کمانڈنٹ اولمپئن طاہر زمان کی زیر نگرانی ٹریننگ کررہے ہیں ۔تربیتی کیمپ میں صبح و شام کے سیشنز میں گراؤنڈ میں ٹریننگ جبکہ دن میں 12بجے سے 1بجے تک جم ٹریننگ کروائی جاتی ہے تاکہ کھلاڑیوں کی فزیکل فٹنس کوبہترکیا جاسکے ۔
رمضان المبارک کے پیش نظرٹیم منیجمنٹ کی جانب سے فیصلہ کیا گیا تھا کہ کیمپ میں ہر تین روز کے بعد کھلاڑیوں کو ایک روز کا آرام دیا جائے گا۔آج ہونے والے تربیتی سیشن کے دوران جونیئر ٹیم کے کوچ ذیشان اشرف کھلاڑیوں کو پلینٹی کارنر کی خصوصی تربیت کرائیں گے جبکہ اس سیشن کے اختتام پر کھلاڑیوں کے مابین پریکٹس میچز کا آغاز ہوگا۔
