مانگا میں انڈر 16 کھلاڑیوں کا ہاکی کیمپ
مانگا منڈی (نامہ نگار) پاکستان ہاکی فیڈریشن اور پنجاب ہاکی ایسوسی ایشن کی ہدایت پر طارق بٹ ہاکی اکیڈمی کے زیر انتظام انڈر 16ہاکی کے کھلاڑیوں کا سمر کیمپ مقامی کالج مانگا کے گرائونڈ میں 30جون سے جاری ہے ۔سمر کیمپ میں 70کھلاڑی حصہ لے رہے ہیں جن کی
ٹریننگ کے علاوہ رمضان میں افطاری کا انتظام بھی کیمپ میں ہو تا ہے۔ٹریننگ کے فرائض قمرالزماں ،محمد شفیق ،محمد سرور اور رضوان احمد سر انجام دے رہے ہیں جبکہ کیمپ کی نگرانی کیمپ کمانڈر محمد طارق بٹ کر رہے ہیں۔گذشتہ روز مہمان خصوصی عبدالنعیم خاں، ایم اے خاں اور سابق جنرل کونسلر رانا احمد سعید نے کیمپ کا دورہ کیا۔
