بنوں (ثناء نیوز) اپوزیشن لیڈر خورشید شاہ اور سابق وزیراعظم یوسف رضا گیلانی نے دیگر پی پی رہنمائوں کے ہمراہ بنوں میں آئی ڈی پیز کیمپ کا دورہ کیا اور متاثرین کے مسائل سنے۔ پیپلز پارٹی کے رہنمائوں کا کہنا ہے متاثرین کے بنیادی مسائل فوری طور پر حل کرنے کی کوشش کریں گے۔ سابق وزیراعظم کا میڈیا سے گفتگو میں کہنا تھا کہ پی پی کے چیئرمین اور کوچیئرمین نے خورشید شاہ کی سربراہی میں کمیٹی تشکیل دی ہے جس نے آئی ڈی پیز کی مشکلات جاننے کیلئے دورہ کیا ہے۔ سید خورشید شاہ کا کہنا تھا کہ متاثرین کو جتنے بھی مسائل کا سامنا ہے ان کے بارے میں بطور اپوزیشن لیڈر، وزیراعظم سے آج ہی بات کروں گا اور ہم فوری طورپر کچھ پیسے کمشنر بنوں کو بھیجیں گے تاہم تاکہ کیمپ فوری طورپر ٹھیک ہوں اور متاثرین کو پانی ملے۔ پانی کے نئے پمپوں کی تنصیب کیلئے پی پی رقم فراہم کریگی۔
دورہ بنوں