نوازشریف مناظرہ کیلئے آجائیں تو 100 من مٹھائی تقسیم کرونگا، فوج سے زیادہ علیک سلیک نہیں ہوتی: طاہر القادری
کیپشن: نوازشریف مناظرہ کیلئے آجائیں تو 100 من مٹھائی تقسیم کرونگا، فوج سے زیادہ علیک سلیک نہیں ہوتی: طاہر القادری
لاہور( این این آئی) پاکستان عوامی تحریک کے سربراہ ڈاکٹر طاہر القادری کی پریس کانفرنس کے دوران ایک صحافی نے سوال کیا کہ اگر نوازشریف آپکے مناظرے کا جواب دینے نہیں آتے تو کیا چھوٹے میاں سے کام چلے گا؟ جس پر طاہر القادری نے کہا کہ نہیں وہ چیف ایگزیکٹو ہیں وہ مناظر ہ کریں۔ ویسے تو ہمارے پاس بھی چھوٹے ہیں۔ نوازشریف آ جائیں تو سو من مٹھائی بھی تقسیم کروں گا۔ انہوں نے انقلاب کے بعد فوج کے ادارے میں بھی اصلاحات لانے کے سوال کے جواب میں کہا کہ مجھے فوج کے معاملات کا پتہ نہیں اور میری ان سے زیادہ علیک سلیک نہیں ہوتی لیکن اس کیلئے فوج سے بات ہوگی۔ جب ہم باہر نکلیں گے تو اللہ تعالیٰ ویسے ہی موسم اچھا کردیگا اور پھر زمین اور آسمان دونوں کے موسم بہترین ہوں گے۔
100 من مٹھائی
