لاہور (کلچرل رپورٹر) معروف اداکارہ ماہ نور نے فنکاروں کے اعزاز میں افطار پارٹی اور جوہر ٹاؤن اپنی بوتیک کی افتتاحی تقریب کا اہتمام کیا جس میں شوبز کی اہم شخصیات نے بڑی تعداد میں شرکت کی۔ شرکاء میں ہدایتکار سیدنور، میگھا، مدیحہ شاہ، خوشبو، دیدار، لیلیٰ، نادیہ علی، دردانہ رحمان، ماہم رحمان، جرار رضوی، پریسا، ملک طارق، قیصر ثناء اللہ، آشا چودھری، ثناء بٹ، زندگی اور ندا چودھری شامل تھیں۔ اس موقع پر ماہ نور نے کہا کہ میں نے سوچا کہ شوبز کے ساتھ سائیڈ بزنس بھی ہونا چاہئے۔ مجھے بوتیک کا بزنس اچھا لگا، یہ شروع کر دیا ہے۔ میگھا نے کہا کہ مجھے ماہ نور کی بوتیک شروع کرنے پر خوشی ہوئی ہے۔ دیدار نے کہا کہ ماہ نور سے جتنا بھی تعاون ہو سکا، کریں گے۔ بوتیک بنانے پر مبارکباد دیتی ہوں۔ مدیحہ شاہ، لیلیٰ، نادیہ علی نے کہا کہ شوبز مصروفیات کے علاوہ بزنس ضروری ہو گیا ہے۔ مستقبل میں سودمند ثابت ہو گا۔