نوابشاہ (نوائے وقت رپورٹ) نوابشاہ میں سکرنڈ بائی پاس پر دو آئل ٹینکر ٹکرانے سے کئی گاڑیاں جل گئیں، حادثے میں تین افراد جھلس کر جاں بحق ہوگئے۔ پولیس کے مطابق مخالف سمت سے آنے والے دو آئل ٹینکرز آپس میں ٹکرا گئے جس سے تیل سڑک پر بہہ گیا اور آگ لگ گئی۔ دو آئل ٹینکر ایک ٹرک، کار اور موٹر سائیکل بھی آگ کی لپیٹ میں آگئی۔ حادثے میں ایک آئل ٹینکر کا ڈرائیور انور جھلس کر جاں بحق ہوا، 10 ا فراد زخمی ہوئے جن کو نوابشاہ، حیدر آباد کے ہسپتال میں منتقل کیا گیا جہاں دو زخمی جاں بحق ہوگئے۔ فائر  بریگیڈ نے تین گھنٹے کی کوشش سے آگ پر قابو پایا۔