شیخوپورہ  فیروز والا+ساہوکا (نامہ نگار خصوصی +نامہ نگاران+ ) ساہوکا میں زیادتی کے دوران مزاحمت پر لڑکی قتل، فیروز والا میں  بھاوج، شیخوپورہ میں کمسن بچے کو زیادتی کا نشانہ بنا دیا گیا۔ ساہوکا میں تھانہ فتح شاہ کے علاقہ چک نمبر497 ای بی کی خاتون روبینہ زوجہ عبدالرزاق آرائیں سحری کے وقت روزہ کی تیاری میں مصروف تھی اس دوران اس کا رشتہ دار اوباش سجاد ولد محمد علی مسلح پسٹل گھر کی چاردیواری پھلانگ کر گھر میں داخل ہوگیا اور اسلحہ کے زور پر زیادتی کی کوشش کی جس پر خاتون نے سخت مزاحمت کی، زیادتی میں ناکامی پر سجاد مشتعل ہوگیا اور پسٹل سے فائر کرکے روبینہ بی بی کو موقع پر موت کے گھاٹ اتار دیا۔ فیروز والا میں لاہور روڈ کی آبادی گالو میں ایک نوجوان منشاء نے بھاوج کے ساتھ زیادتی کر ڈالی۔ محنت کش اکرم کی بیوی گھر میں اکیلی تھی اس کا جیٹھ منشاء نامی اس کے گھر  میں زبردستی  گھس آیا گن پوائنٹ پر اکرم کی بیوی  (ب) کے زیادتی کی اور فرار ہوگیا۔پاکپتن میں گائوں 60 ڈی کے شمیر محمد شیخ کی بیوی (الف) گھر میں اکیلی تھی ملزم عبدالرشید شراب کے نشے میں دھت  نے  زیادتی کا نشانہ بنا ڈالا۔ ساہیوال میں چک نمبر 87-A/6 آر میں ملزم رمضان نے (ن۔ب) کے ساتھ زبردستی زیادتی کی۔ شیخوپورہ  میں تھانہ سٹی بی ڈویژن کے علاقہ علامہ مشرقی پارک میں بدقماش نوجوان نے ایک پانچ سالہ کمسن بچے رحمان کیساتھ مبینہ زیادتی کر ڈالی، کمسن بچہ رحمان اپنی گلی میں کھیل رہا تھا ملزم خرم اسے بہانے سے بلا کر ایک ویران جگہ پر لے گیا جہاں اس سے زبردستی زیادتی کر ڈالی جبکہ پولیس نے بچے کا میڈیکو لیگل کروا نے کے باوجود واقعہ کا مقدمہ تاحال درج نہیں کیا۔