لاہور (نامہ نگار) ڈیفنس سی کے علاقہ میں دو روز قبل دوبئی سے آنے والی جواں سالہ لڑکی اپنے دوست کے گھر میں پراسرار طور پر مردہ حالت میں پائی گئی۔ شبہ ظاہر کیا جا رہا ہے لڑکی کو مبینہ طور پر زیادتی کا نشانہ بنا کر زہریلی گولیاں کھلا کر قتل کیا گیا ہے۔ پولیس نے نعش قبضہ میں لیکر پوسٹ مارٹم کے لئے مردہ خانے جمع کروا کر مردہ خانے جمع کروا دی ہے۔ چکوال کے خالد محمود کی بیٹی مہوش خالد دوبئی میں کام کرتی تھی دو روز قبل وہ دوبئی میں اپنے ساتھ کام کرنے والے دوست ڈیفنس سی کے علاقہ چونگی دوگیج بائو والا کے مشتاق کے گھر میں آکر رہائش پذیر ہوئی۔ گزشتہ روز مہوش خالد اپنے دوست کے گھر میں پرسرار طور پر مردہ حالت میں پائی گئی مشتاق نے مہوش کو ہسپتال پہنچایا جہاں ڈاکٹروں نے اس کی موت کی تصدیق کر دی۔ اطلاع ملنے پر تھانہ ڈیفنس سی کی پولیس موقع پر پہنچ گئی اور نعش قبضہ میں لیکر حالات مشکوک ہونے پر مردہ خانے جمع کروا دی ہے۔ پولیس کا کہنا ہے اصل حقائق پوسٹ مارٹم رپورٹ کے بعد ہی معلوم ہوں گے۔
لڑکی مردہ حالت