مجید نظامی کی رحلت کی خبر سنتے ہی روزنامہ نوائے وقت کے تمام سٹاف کی آنکھیں پر نم اور دل افسردہ ہو گئے
لاہور(خصوصی رپورٹر)روزنامہ نوائے وقت کے سٹاف نے جناب مجید نظامی کی رحلت کی خبر بھاری دل کے ساتھ سنی۔ نیوز روم، رپورٹنگ سیکشن، میگزین اور ایڈیٹوریل کے ملازمین سمیت کمپیوٹر اور پریس کے لوگوں اور ہیلپرز کی آنکھیں نم تھیں اور وہ اپنے عظیم ایڈیٹر کی انسان دوستی اور اصول پرستی کو یاد کرتے رہے۔ سٹاف ممبران کا کہنا تھا کہ جناب مجید نظامی کے دیئے گئے درس ایمانداری ،محنت اور جانفشانی کو ہمیشہ یاد رکھیں گے اور اس پر ہمیشہ ہمیشہ چلتے رہیں گے۔
