فیروز والا (نامہ نگار)بچوں کی لڑائی کے تنازعہ پر افتخار احمد اور اسکے ساتھیوں نے لاٹھیوں کے وار کر کے اپنی ہمسائی خاتون سلطانہ  بی بی کو ہلاک کر دیا۔ ایک لڑکا زخمی ہو گیا۔ ملزمان فرار ہو گئے۔ بتایا گیا ہے کہ قصبہ کھانہ لبانہ میں افتخار احمد اور محمد یعقوب کے بچے کھیلتے ہوئے جھڑ پڑے۔ جس پر افتخار وغیرہ نے حملہ کر کے  یعقوب کی بیوی سلطانہ بی بی اور بیٹے کو زخمی کر دیا۔ انہیں طبی امداد کیلئے ہسپتال لایا گیا جہاں پر زخموں کی تاب نہ لاتے ہوئے  سلطانہ بی بی دم توڑ گئی۔