قصور(نامہ نگار+ نمائندہ نوائے وقت)رائیونڈ روڈ بھٹی ہسپتال کے قریب بس کی ٹکر سے موٹرسائیکل سوار ماما بھانجا جاں بحق اور دو خواتین زخمی ہوگئیں۔ ضلع خوشحاب کی فیملی جو کہ قصور میں ایک بھٹہ خشت پر محنت مزدوری کرتی تھی کے سا غر مسیح اپنی بہن پروین بی بی،بھانجی سونیاں بی بی اور بھانجے پانچ سالہ عثما ن کے ساتھ موٹرسائیکل پر قصور سے کوٹ ردھاکیشن جا رہا تھا کہ بھٹی ہسپتال کے قریب ایک تیز رفتار بس کی زد میں آکر ساغر مسیح اور اسکا پانچ سالہ بھانجا عثمان ہلاک ہو گئے جبکہ پروین بی بی اور سونیا بی بی مضروب ہو گئے جنہیں ڈسٹر کٹ ہسپتال قصور میں ریفر کردیا گیا ہے۔پولیس تھانہ صدر قصور نے وقوعہ کا مقدمی درج کر لیا ہے۔