لاہور (سپورٹس رپورٹر) دورہ انگلینڈ کی تیاری کے لئے قومی انڈر 17 کرکٹ ٹیم کا تربیتی کیمپ عید کے بعد آج سے شروع ہوگا۔ قومی انڈر 17 ٹیم 9 اگست کو انگلینڈ کے دورہ پر روانہ ہوگی۔ پاکستان کرکٹ بورڈ نے تمام کھلاڑیوں کو ہدایت کی گئی ہے کہ وہ  نیشنل کرکٹ اکیڈمی میں منیجر اورجونیئر سلیکشن کمیٹی کے رکن علی ضیاء کو رپورٹ کریں۔ قومی جونیئر سلیکشن کمیٹی  دور ہ انگلینڈ کیلئے انڈر 17 ٹیم کااعلان  پہلے ہی کر چکی ہے ۔ باسط علی کی سربراہی میں قائم سلیکشن کمیٹی نے 15رکنی سکواڈ کی قیادت عمران رفیق کو سونپی ہے حسن خان کو نائب کپتان مقرر کیا گیا ہے۔