سرینگر (اے پی پی) مقبوضہ کشمیرکے قصبہ کشتواڑ میں بھارتی فوجیوں اور پولیس اہلکاروں کی بڑی تعداد میں تعیناتی کے باوجود نماز عید کے بعد ہزاروں لوگوں نے چھوگان گرائونڈ عیدگاہ سے ایک زبردست ریلی نکا لی۔ کشمیر میڈیا سروس کے مطابق اس دوران لوگ ’’جیوے جیوے پاکستان‘‘ اور ’’ہم کیا چاہتے آزادی‘‘ کے فلک شگاف نعرے لگا تے رہے۔ ریلی میں شریک لوگوں نے پاکستان کے سبزہلالی پرچم اٹھا رکھے تھے جو وہ فضا میں لہراتے رہے۔ لوگ مطالبہ کر رہے تھے کہ بھارتی فوج کسی تاخیر کے بغیر جموں و کشمیر سے نکل جائے۔