ماسکو  (اے پی پی) روس کے دو نئے جنگی بحری جہاز بحیرہ حضر(کیسپئین) میں گشت کریں گے۔ روس کے فوجی ذرائع کے مطابق روس کے دو نئے جنگی بحری جہاز "گراد سویاڑسک" اور "اوگلیچ" بحیرہ حضر میں گشت شروع کرنے کے لیے تیار ہیں۔واضح رہے کہ یہ دو جنگی بحری جہاز یوم بحریہ کے موقع پر ستائیس جولائی کو بحیرہ حضر میں متعین روس کے جنگی بحری بیڑے میں شامل کئے گئے۔ توقع ہے کہ عنقریب ان دو جنگی جہازوں کے عملے میزائل داغے جانے کی مشقوں میں حصہ لیں گے۔