کراچی (خصوصی رپورٹر) متحدہ قومی موومنٹ کے قائد الطاف حسین نے کہا ہے کہ ایم کیو ایم کو ختم کرنے اور کمزور کرنے کیلئے اس کے ہزاروں کارکنوں اور چاہنے والوںکو بیدردی سے شہید کیا گیا لیکن ایم کیو ایم کو ختم نہیں کیا جاسکا بلکہ ایم کیو ایم پہلے سے زیادہ مضبوط ہوئی ہے، ایم کیو ایم نے بکھرے ہوئے عوام کو اپنی طاقت بنایا۔ انہوں نے یہ بات گزشتہ روز ایم کیو ایم انٹرنیشنل سیکرٹریٹ میں عیدالفطرکے حوالے سے منعقدہ ایک سادہ سی تقریب سے خطاب کرتے ہوئے کہی۔ تقریب میں انکی صاحبزادی افضا الطاف نے بھی خصوصی طور پر شرکت کی۔