37 ویں نیشنل سرکل کبڈی چمپئن شپ کے شیڈول کا اعلان کردیا گیا
اسلام آباد(این این آئی) پاکستان کبڈی فیڈریشن نے 37 ویں نیشنل سرکل کبڈی چمپئن شپ کے شیڈول کا اعلان کر دیا۔ چمپئن شپ 11سے 15ستمبر تک واہ کینٹ میں کھیلی جائے گی۔ پاکستان کبڈی فیڈریشن کے سیکرٹری محمد سرور کے مطابق ایونٹ میں چاروں صوبے پاکستان آرمی ، نیوی ، ایئر فورس ، پولیس ، واپڈا ، ایچ ای سی ، سوئی نادرن گیس سمیت ایران اور افغانستان کی ٹیمیں حصہ لیں گی۔ انہوں نے کہا کہ دونوں غیر ملکی ممالک نے چمپئن شپ میں شرکت کی تصدیق کر دی ہے ۔
