سانحہ ماڈل ٹاؤن، لاہور ہائیکورٹ نے گلو بٹ کی درخواست ضمانت پر پولیس سے مقدمے کا ریکارڈ طلب کر لیا
کیپشن: سانحہ ماڈل ٹاؤن، لاہور ہائیکورٹ نے گلو بٹ کی درخواست ضمانت پر پولیس سے مقدمے کا ریکارڈ طلب کر لیا
لاہور (وقائع نگار خصوصی) لاہور ہائیکورٹ نے سانحہ ماڈل ٹاؤن کے مرکزی کردار گلو بٹ کی درخواست ضمانت پر نوٹس جاری کرتے ہوئے پولیس سے مقدمے کا ریکارڈ طلب کرلیا۔ جسٹس عالیہ نیلم کی سربراہی میں دو رکنی بنچ نے کیس کی سماعت کی۔گلو بٹ کے وکیل نے دلائل دیئے کہ منہاج القرآن کے باہر گاڑیوں کی توڑ پھوڑ پر اس کے خلاف درج مقدمے میں تمام دفعات قابل ضمانت تھیں تاہم پولیس نے بدنیتی سے اس میں دہشت گردی اور اقدام قتل کی دفعات شامل کیں جس کا پولیس کے پاس ثبوت موجود ہے نہ ہی کوئی گواہ ہے۔ عدالت نے درخواست کی سماعت غیر معینہ مدت کے لیے ملتوی کرتے ہوئے پولیس سے مقدمے کا ریکارڈ طلب کر لیا۔
