آل پاکستان نیشنل بنک ہاکی ٹورنامنٹ آج سے لاہور میں شروع ہو گا
لاہور(سپورٹس رپورٹر)آل پاکستان نیشنل بنک کپ ہاکی ٹورنامنٹ آج سے لاہور میں شروع ہوگا۔ ٹورنامنٹ میں سات ٹیمیں حصہ لے رہی ہیں جن کے درمیان سنگل لیگ کی بنیاد پر میچز کھیلے جائینگے۔ سیکرٹری پی ایچ ایف اولمپیئن رانا مجاہد نے بتایا کہ ٹورنامنٹ کا پہلا فیز نیشنل ہاکی سٹیڈیم کی پچ نمبر دو پر کھیلا جائیگا جبکہ دوسرے مرحلے کے لئے ٹورنامنٹ جوہر ہاکی سٹیڈیم منتقل کر دیا جائے گا۔ ٹاپ دو پوزیشن حاصل کرنے والی ٹیموں کے درمیان 15 اگست کو کھیلا جائیگا۔ ٹورنامنٹ میں شرکت کرنے والی ٹیموں میں پی آئی اے، نیشنل بنک، آرمی، واپڈا، ریلویز، ایچ ای سی اور پنجاب شامل ہیں۔ افتتاحی روز تین میچ کھیلے جائیں گے۔ پہلا میچ ریلوے اور واپڈا کے درمیان، دوسرا آرمی اور پنجاب جبکہ تیسرا میچ پی آئی اے اور نیشنل بنک کی ٹیموں کے درمیان کھیلا جائیگا۔
