لاہور (اے پی پی) پنجاب بھر کے نجی و سرکاری تعلیمی ادارے 11 اگست سے کھل جائیں گے۔ محکمہ تعلیم نے اس سلسلہ میں باقاعدہ نوٹیفکیشن جاری کر دیا۔ ہائر ایجوکیشن ڈیپارٹمنٹ کی طرف سے جاری نوٹیفکیشن کے مطابق گرمیوں کی چھٹیاں 10 اگست تک ہونگی جبکہ 11 اگست سے باقاعدہ طور پر پنجاب کے تمام نجی و سرکاری کالجز اور یونیورسٹیز کھل جائیں گی۔ قبل ازیں ہائر ایجوکیشن ڈیپارٹمنٹ نے گرمیوں کی چھٹیوں کا اعلان 4 جون سے 14 اگست تک کیا تھا لیکن اب سابقہ نوٹیفکیشن میں ترمیم کرتے ہوئے گرمیوں کی چھٹیاں 10 اگست تک کر دی ہیں جبکہ 11 اگست سے تمام تعلیمی اداروں میں حاضری ضروری ہو گی۔
تعلیمی ادارے/ چھٹیاں