ساہیوال (نامہ نگار) ساہیوال کے نواحی گائوں میں دو برادریوں کے آپس میں تصادم  میں سندھیلہ برادری کے4 افراد کو قتل کردیا گیا جبکہ دو شدیدزخمی ہو گئے۔ چک نمبر 115/9ایل میں مادھر اور سندھیلہ گروپ کے درمیان فائرنگ کے تبادلہ میں  ذاکر، اسلم، زید اور ایک عورت بکھاں بی بی کو مادھر گروپ کے عمران، بلی اور ہامون وغیرہ ملزمان نے فائرنگ کرکے قتل کر دیا جبکہ بکھاں بی بی کے دو بچے اس فائرنگ میں شدید زخمی ہو گئے۔ بتایا جاتا ہے ہے جبکہ ان دونوں گروپوں کے درمیان زمین کا تنازعہ چلا آرہا تھا جس پر آج مادھر گروپ کے ملزمان نے حملہ کر کے سندھیلہ گروپ کے ان افراد کو قتل کردیا ۔پولیس نے لاشیں قبضہ میں لے کر پوسٹ مارٹم کے لئے بھجوا دیں ہیں اور مصروف تفتیش ہے ۔