کابل  (اے پی پی) افغانستان کے جنوبی صوبہ ارزگان میں پولیس اہلکار نے 7ساتھیوںکو زہر پلا دی جنہیں طالبان نے حملہ کر کے ہلاک کر دیا۔ ذرائع ابلاغ کے مطابق واقعہ مہر آباد چیک پوسٹ پر اس وقت پیش آیا جب طالبان سے ملے ہوئے پولیس اہلکار نے اپنے ساتھ 7 اہلکاروں کو زہر پلا دی اور اس کے بعد طالبان نے چیک پوسٹ میں گھس کر انہیں گولیاں مار کر ہلاک کر دیا۔ حملے میں ایک پولیس اہلکار زخمی بھی ہوا۔ صوبائی جرائم کی تفتیس کے محکمے کے سربراہ نے ہلاکتوں کی تصدیق کرتے ہوئے کہا ہے کہ واقعہ کی تحقیقات کی جار ہی ہیں۔ انہوں نے کہاکہ حملہ آور چیک پوسٹ سے اسلحہ اور ایمونیشن بھی اپنے ساتھ لے گئے ہیں۔